{"id":7820,"date":"2025-08-04T09:37:59","date_gmt":"2025-08-04T08:37:59","guid":{"rendered":"https:\/\/www.northeastwales.wales\/spotlight-on-llangollen\/"},"modified":"2025-08-12T13:15:23","modified_gmt":"2025-08-12T12:15:23","slug":"spotlight-on-llangollen","status":"publish","type":"post","link":"https:\/\/www.northeastwales.wales\/cy\/spotlight-on-llangollen\/","title":{"rendered":"Sbotolau ar Llangollen"},"content":{"rendered":"\n

Mae Llangollen wedi bod yn un o gyrchfannau mewndirol mwyaf poblogaidd Cymru ers peth amser bellach – a dydi hynny ddim yn syndod. Yng nghysgod y mynyddoedd ac adfeilion Castell Dinas Br\u00e2n a adeiladwyd yn y drydedd ganrif ar ddeg, gorwedda\u2019r dref mewn llecyn hardd ac unigryw.<\/p>\n\n\n\n

\"Dinas
Castell Dinas Bran yn y machlud haul<\/figcaption><\/figure>\n\n\n\n

Os ydych yn chwilio am lwybr cerdded cylch sy\u2019n llawn golygfeydd ac yn hawdd i\u2019w ddilyn trwy un o drefi mwyaf trawiadol Cymru, mae Llwybr Tref Llangollen yn ddewis gwych. Mae\u2019n daith gerdded hyfryd tua 2 filltir (3.2km) o hyd ac yn para 2 awr, mae\u2019n wastad ar y cyfan (gyda dringfa opsiynol i Gastell Dinas Br\u00e2n) ar hyd glannau hyfryd yr afon a heibio i adeiladau treftadaeth a straeon cyfoethog.<\/p>\n\n\n\n

\ud83c\udfde\ufe0f Trosolwg o\u2019r Llwybr a\u2019r Uchafbwyntiau<\/strong><\/p>\n\n\n\n

Man Cychwyn: Maes Parcio\u2019r Pafiliwn Rhyngwladol yn Llangollen<\/strong><\/p>\n\n\n\n

Dechreuwch y daith ym maes parcio\u2019r Pafiliwn Rhyngwladol. Mae\u2019r Pafiliwn modern sy\u2019n gartref i Eisteddfod Gerddorol Ryngwladol Llangollen ac sy\u2019n cynnal digwyddiadau a chyngherddau trwy gydol y flwyddyn, wedi\u2019i leoli ar ddoldir.<\/p>\n\n\n\n

\"\"<\/figure>\n\n\n\n

Dilynwch lwybr y gamlas wrth y bont yn y maes parcio a throwch i\u2019r dde ar hyd\u2026<\/p>\n\n\n\n

Glanfa a Chamlas Llangollen<\/strong><\/p>\n\n\n\n

Yn y lanfa fe welwch gychod yn cael eu llusgo gan geffylau ar hyd Camlas Llangollen sy\u2019n safle rhestredig UNESCO, ac yn rhan o Safle Treftadaeth y Byd estynedig Pontcysyllte. Chwiliwch am Raeadr y Bedol sy\u2019n boblogaidd iawn a chychod camlas yn cael eu llusgo gan geffylau i un cyfeiriad, neu gychod modur i fyny\u2019r afon yn croesi Traphont Dd\u0175r Pontcysyllte – traphont dd\u0175r hiraf Prydain a\u2019r uchaf yn y byd.<\/p>\n\n\n\n

Trowch i\u2019r dde i fyny Wharf Hill (neu i\u2019r chwith ar gyfer y ddringfa opsiynol i fyny at Gastell Dinas Br\u00e2n), yna\u2026<\/p>\n\n\n\n

\"\"
Camlas Llangollen
<\/figcaption><\/figure>\n\n\n\n

Pont Llangollen<\/strong><\/p>\n\n\n\n

Yn un o \u201cSaith Rhyfeddod Cymru\u201d, mae\u2019r bont restredig Gradd\u202fI hon yn dyddio\u2019n \u00f4l i o leiaf y 16eg\u201317eg ganrif, neu gynharach o bosibl. Gwelir golygfeydd eang dros Afon Dyfrdwy yno\u2014lle a ddefnyddiwyd ar un adeg ar gyfer pysgota eog mewn cwryglau. Heddiw mae\u2019r afon yn llawn bwrlwm gyda chaiacs, can\u0175s ac anturiaethau d\u0175r gwyn. Wrth i chi groesi\u2019r bont eto fe welwch chi orsaf Reilffordd Treftadaeth Llangollen-Corwen<\/strong>, a adeiladwyd yn 1865, wrth ymyl glan gogleddol Afon Dyfrdwy. Y tu mewn mae bar caffi yn gweini byrbrydau poeth a chwrw go iawn a (phan fydd y trenau’n rhedeg) siop anrhegion sy’n gwerthu pob mathau o nwyddau. Ar yr unig reilffordd dreftadaeth lled safonol yng Ngogledd Cymru bellach, gwelir tr\u00ean yn pwffian am bron i 10 milltir trwy Ddyffryn godidog y Dyfrdwy, Ardal o Harddwch Naturiol Eithriadol. Diolch i estyniad 2.5 milltir hir-ddisgwyliedig a gwblhawyd yn 2014 gan d\u00eem o wirfoddolwyr, gallwch bellach deithio\u2019r holl ffordd i Gorwen trwy Berwyn, Glyndyfrdwy a Charrog.<\/p>\n\n\n\n

\"\"<\/figure>\n\n\n\n

Ar \u00f4l croesi’r bont, trowch yn syth i’r dde i L\u00f4n Dyfrdwy i ymweld \u00e2\u2026<\/p>\n\n\n\n

\"Llangollen
Reilffordd Treftadaeth Llangollen-Corwen<\/strong>,<\/figcaption><\/figure>\n\n\n\n

Y Felin \u0176d<\/strong><\/p>\n\n\n\n

Roedd y Felin \u0176d yn strwythur o\u2019r 13eg ganrif a ailadeiladwyd yn y ddeunawfed ganrif, ac roedd yn dal i weithredu fel melin tan y 1970au. Mae bellach wedi cael ei throsi\u2019n dafarn a gallwch fwynhau diod ar ddecin pren uwchben y dyfroedd gwyllt a gwylio\u2019r olwyn dd\u0175r yn troi unwaith eto.<\/p>\n\n\n\n

Dilynwch y llwybr ar hyd glan yr afon neu cerddwch ar hyd y Promen\u00e2d Fictoraidd golygfaol i Barc Glan yr Afon<\/strong> cyn dychwelyd i\u2019r dref. Mae lle i blant chwarae yno neu gallwch eistedd ar fainc a mwynhau gwylio\u2019r hwyaid a\u2019u cyfeillion pluog.<\/p>\n\n\n\n

\"\"<\/figure>\n\n\n\n

Man Pellach o Ddiddordeb (os yw amser yn caniat\u00e1u)<\/strong><\/p>\n\n\n\n