{"id":7896,"date":"2025-09-01T07:48:27","date_gmt":"2025-09-01T06:48:27","guid":{"rendered":"https:\/\/www.northeastwales.wales\/discovering-st-asaph-a-stroll-along-the-town-trail\/"},"modified":"2025-09-01T15:07:04","modified_gmt":"2025-09-01T14:07:04","slug":"discovering-st-asaph-a-stroll-along-the-town-trail","status":"publish","type":"post","link":"https:\/\/www.northeastwales.wales\/cy\/discovering-st-asaph-a-stroll-along-the-town-trail\/","title":{"rendered":"Darganfod Llanelwy: Mynd am Dro ar hyd Llwybr y Dref"},"content":{"rendered":"\n

Yn harddwch Dyffryn Clwyd, lle saif dinas fechan Llanelwy, fe gewch eich swyno gan yr hanes cyfoethog a\u2019r ymdeimlad hyfryd o gymuned. Efallai fod pobl yn galw hon yn \u201cddinas leiaf Cymru\u201d ond peidiwch \u00e2 gadael i hynny eich twyllo chi \u2013 mae gan Lanelwy ddigonedd o bethau i\u2019w cynnig, yn enwedig os ydych chi\u2019n hoff o fynd am dro hamddenol a dysgu ychydig o hanes. Mae Llwybr Tref Llanelwy\u2019n ffordd berffaith i ddarganfod trysorau\u2019r ddinas.<\/p>\n\n\n\n

\"\"<\/figure>\n\n\n\n

Taith Drwy Hanes<\/strong><\/p>\n\n\n\n

Dyluniwyd y llwybr i bobl fynd am dro hamddenol o amgylch mannau pwysicaf Llanelwy. Ar hyd y ffordd, fe ddewch chi ar draws cymysgedd o hen hanes, golygfeydd digynnwrf a bwrlwm y trigolion lleol. Ni wnaiff y daith eich blino na\u2019ch llethu\u2013yn ddelfrydol i deuluoedd, rhodwyr hamddenol neu unrhyw un sy\u2019n awyddus i gymryd eu hamser wrth ddarganfod cyfrinachau\u2019r lle.<\/p>\n\n\n\n

Uchafbwyntiau Hanfodol<\/strong><\/p>\n\n\n\n

\u2728 Cadeirlan Llanelwy<\/a><\/p>\n\n\n\n

Canolbwynt y llwybr yw\u2019r Gadeirlan, yr eglwys gadeiriol hynafol leiaf ym Mhrydain. Mae\u2019n gadeirlan fach \u00e2 hanes helaeth ac fe\u2019i hadeiladwyd yn y drydedd ganrif ar ddeg. Wrth fynd drwy\u2019r pyrth fe welwch chi wydrau lliw ysblennydd, cilfachau tawel i fyfyrio a syniad gwirioneddol o dreftadaeth ysbrydol y ddinas.<\/p>\n\n\n\n

\"St<\/figure>\n\n\n\n

\u2728 Afon Elwy<\/p>\n\n\n\n

Mae\u2019r llwybr hefyd yn troelli tuag Afon Elwy. Mae glan yr afon yn arbennig o hardd, yn enwedig pan mae\u2019r haul yn tywynnu, gyda siffrwd braf y d\u0175r a\u2019r adar yn canu. Mae\u2019n lle bendigedig i gymryd seibiant, anadlu\u2019n ddwfn a mwynhau\u2019r olygfa.<\/p>\n\n\n\n

\"\"<\/figure>\n\n\n\n

\u2728 Strydoedd Hanesyddol a Straeon Cudd<\/p>\n\n\n\n

Wrth ichi grwydro, fe ewch chi heibio bythynnod, tafarndai traddodiadol a mannau arwyddocaol sy\u2019n rhoi syniad o hanes hir y ddinas. Cadwch lygad am blaciau a byrddau gwybodaeth sy\u2019n dod \u00e2 hanesion Llanelwy\u2019n fyw\u2013fe gewch chi siom ar yr ochr orau o\u2019r holl hanes i\u2019w ddatgelu yn y ddinas fach hon!<\/p>\n\n\n\n

Pam Mynd am Dro ar y Llwybr?<\/strong><\/p>\n\n\n\n

Mae Llwybr y Dref yn fwy na rhywle i fynd am dro\u2013mae\u2019n ffordd o greu cysylltiad \u00e2 Llanelwy ei hun. Fe deimlwch chi groeso\u2019r gymuned agos-atoch yn y ddinas wrth weld harddwch naturiol Dyffryn Clwyd a dysgu rhywfaint o hanes Cymru ar hyd y ffordd.<\/p>\n\n\n\n

Gallwch fwynhau\u2019r daith yn eich ffordd eich hun hefyd: mynd am dro ar hyd y llwybr i gyd mewn ychydig llai nag awr neu gymryd eich amser, mynd am baned neu gael picnic ar lan yr afon.<\/p>\n\n\n\n

Cadwch lygad am Feibl William Morgan o\u2019r unfed ganrif ar bymtheg.<\/p>\n\n\n\n

Mae bedd Dic Aberdaron yn gorwedd yng nghornel dde-orllewinol y fynwent.<\/p>\n\n\n\n

\"\"<\/figure>\n\n\n\n

Obelisg H M Stanley, sy\u2019n arddangos golygfeydd o\u2019i fywyd dadleuol.<\/p>\n\n\n\n

\"\"<\/figure>\n\n\n\n

Chwedl yr eog a\u2019r fodrwy – fe\u2019i darlunnir yn ffenestri lliw\u2019r gadeirlan.<\/p>\n\n\n\n

\"St<\/figure>\n\n\n\n

Geiriau o Gyngor Cyn ichi Fynd<\/strong><\/p>\n\n\n\n