Rheilffordd Llangollen – Trên Mins Pei

Teithiau Mins Pei – Wrth i fwrlwm Dydd Nadolig ddechrau setlo, ymunwch â ni ar siwrnai hiraethus trwy dirweddau tawel, gaeafol Dyffryn Dyfrdwy. Mae ein Teithiau Mins Pei yn cynnig y profiad perffaith ar ôl y Nadolig: cyfle i eistedd yn ôl, ymlacio, a mwynhau’r pleserau syml o deithio stêm, gyda danteithion Nadoligaidd a golygfeydd hardd.

Camwch ar ein cerbydau treftadaeth, wedi eu haddurno’n hyfryd ar gyfer y tymor, a gadael i rythm esmwyth y rheiliau eich cludo o Langollen i Garrog ac yn ôl. Gyda’r stêm yn chwyrlio tua’r awyr a chefn gwlad yn llawn tawelwch y gaeaf, mae’n gyfle gwych i ddianc gyda’r teulu cyfan.

Bydd oedolion yn cael mins pei traddodiadol a llymaid Nadoligaidd, tra bod plant yn cael mwynhau rhywbeth melys i’w fwyta a diod eu hunain. Os ydych yn parhau i ddathlu neu’n edrych am ychydig o dawelwch rhwng y dathliadau, mae’r Teithiau Mins Pei yn addo cysur, swyn a phrofiad o deithio traddodiadol.

Dyddiadau:

27, 28, a 30 Rhagfyr 2025

Amseroedd Gadael:

O Orsaf Llangollen: 10.00am, 12.20pm a 3.15pm O Orsaf Corwen: 11.05am a 1.45pm

Sylwer: Ni chedwir unrhyw seddi ac fe’u dyrannir ar sail cyntaf i’r felin.

Amodau a Thelerau yn berthnasol.

Beth sydd wedi’i gynnwys:

Siwrnai ddychwelyd rhwng Llangollen a Charrog ar drên stêm treftadaeth. Cerbydau wedi eu haddurno’n hyfryd gyda thema Nadoligaidd. Mins pei a llymaid i oedolion. Rhywbeth melys i’w fwyta a diod i blant. Prisiau Tocynnau Ymlaen Llaw:

Oedolyn (16+): £26

Plentyn (3-15): £12

Babanod (2 oed ac iau): Am ddim

Cŵn (hyd at 2): £3

Gwybodaeth Archebu:

Archebwch le ar-lein ar www.llangollen-railway.co.uk Neu ffoniwch ein tîm ar 01978 860979

Teithiau Mins Pei: siwrnai ysgafn â stêm yn llawn cynhesrwydd Nadoligaidd, boddhad a’r pleser o deithio fel ag yr oedd hi o’r blaen.

Rydym ni’n edrych ymlaen at eich croesawu chi.