✨Darganfod Sir Ddinbych: Gŵyl Drysau Agored 19–21 Medi 2025

Bob hydref, mae Dinbych yn dod yn fyw gyda dathliad treftadaeth heb ei ail – Penwythnos Drysau Agored Dinbych.  Mae’r ŵyl yn cael ei chynnal gan Cadw, Cynghorau Dinbych a Sir Ddinbych a phartneriaid treftadaeth eraill, a bydd dros 30 o safleoedd hanesyddol yn agor o amgylch y dref a’r pentrefi cyfagos – ac y bennaf oll, mae’n rhad ac am ddim.

🗓️Beth Sy’ ’Mlaen?

Mae dydd Gwener 19 Medi yn lansio gyda thaith hudolus yn eich cerbydau eich hun o amgylch y dyffryn, rhwng 10-4pm, yn archwilio Eglwysi, ffynnon hynafol, crochendy a stopio am fwyd a diod. 

Yn dilyn hyn, bydd darlith gyda’r nos yn Theatr Twm o’r Nant, yn canolbwyntio ar weithredoedd eiddo hanesyddol – ‘Gweithredoedd a pha mor berthnasol ydynt heddiw’.

Dydd Sadwrn 20 Medi

Dinbych Ganoloesol – Teithiau Archwilio Dinbych Ganoloesol dan arweiniad Fiona Gale, yn dechrau yn Llyfrgell Dinbych am 11am ac am 2pm yn archwilio’r porthdy a’r waliau tref cadarn a mwynhau golygfeydd panoramig o’r dyffryn.

Taith allanol o Fwthyn Mostyn gan Gwyneth Kensler, 10am a 3pm.

Taith o Eglwys y Santes Farchell dan arweiniad Gronwy Wynne, 11.30am, 1pm a 2.30pm.

Dydd Sul 21 Medi

Y Grîn, Dinbych – Taith Rhyfel Cartref dan arweiniad y tywysydd gwirfoddol Medwyn Williams yn Theatr Twm o’r Nant 10.30am

Taith Ddaeareg dan arweiniad y tywysydd gwirfoddol Peter Jones yn cychwyn o Lyfrgell Dinbych 11am

Taith allanol o Fwthyn Mostyn gan Gwyneth Kensler

Darlith Glo, Gwyn Roberts yn Llyfrgell Dinbych ‘Adfywio Cymunedol’ am 2.30pm

🌟Uchafbwyntiau a Thrysorau Cudd

• Pensaernïaeth dreftadaeth: Crwydrwch drwy waliau tref canoloesol ac adfeilion castell urddasol – gwers hanes gyda phob golygfa.
• Chwedloniaeth leol ac adrodd straeon: O gyfraith eiddo yn y ddarlith i ddramâu rhyfel cartref yn St Hilary, mae’r penwythnos yn gyforiog o haenau naratif.
• Trysorau cymunedol: Mae llawer o eglwysi a chapeli bychan yn agor eu drysau, megis Sant Hychan, Sant Saeran a Sant Dyfnog mewn pentrefi cyfagos.

🕰️Gwybodaeth i Ymwelwyr

• Archebu: Mae mwyafrif y safleoedd agored yn rhad ac am ddim, a does dim angen archebu, dim ond galw heibio.  Mae angen archebu rhai digwyddiadau (sgyrsiau/teithiau) drwy Lyfrgell Dinbych cyn yr ŵyl. I gael mwy o wybodaeth, ffoniwch 01745 816313 neu ewch i www.darganfoddinbych.cymru
• Dydd Gwener – Taith gyrru eich hun a darlith nos Wener (19 Medi)
• Safleoedd agored: 10 am–4 pm Dydd Sadwrn 20 a dydd Sul 21 Medi.
• Hygyrchedd: Mae’n bosib y bydd lloriau a grisiau’n anwastad mewn safleoedd hanesyddol – gwiriwch y manylion os yw hygyrchedd yn broblem.

🎒Awgrymiadau am Benwythnos Cofiadwy

1. Cynlluniwch eich taith a dewiswch y safleoedd rydych eisiau eu gweld.
2. Archebwch ymlaen llaw: Neilltuwch docynnau i’r ddarlith yn gynnar drwy’r Llyfrgell, yn enwedig ar gyfer teithiau tywys.
3. Paciwch fyrbrydau: Dewch â phicnic neu ewch i un o gaffis y dref – perffaith ar ôl taith gerdded.
4. Cyfunwch ddiddordebau:  Mwynhewch hanes canoloesol, dyluniad, a phensaernïaeth o oes Sioraidd i gyd mewn un penwythnos.
5. Rhannwch eich antur: Defnyddiwch gyfryngau cymdeithasol yr ŵyl @DrysauAgored_D am y wybodaeth ddiweddaraf  a myfyrdodau.

🧭Pam ei fod yn Bwysig

Mae Drysau Agored Dinbych yn cyfuno mynediad am ddim, angerdd lleol a dyfnder y naratif.  Mae’n dathlu treftadaeth Cymru – o gastell i gapel i amgueddfa a phensaernïaeth leol wedi’u gwau i mewn i fywyd bob dydd.  Yn ddelfrydol i deuluoedd, y rhai sy’n ymddiddori mewn hanes, ffotograffwyr a theithwyr sy’n chwilio am daith benwythnos sy’n falm i’r enaid.

📝Y Gair Olaf

Cadwch y dyddiad ar gyfer 19–21 Medi 2025. Mae Gŵyl Drysau Agored Dinbych yn cynnig rhywbeth newydd rownd bob cornel – dim angen tocyn ymwelwyr.  Welwn ni chi yn Ninbych!

Os hoffech gael cymorth gyda llety, amserlenni cludiant neu awgrymiadau ychwanegol! Cysylltwch â’n Canolfan Groeso ar 01978 860828 neu 01745 355068. Mae amserlenni cludiant cyhoeddus ar gael yma.

Am fwy o deithiau cerdded o Dinbych lawrlwythwch Lwybr Tref Dinbych.