Skip to content Skip to main navigation Skip to footer

Canllaw Digwyddiadau Haf 2026: Beth sy’n Digwydd yng Ngogledd‑Ddwyrain Cymru

  • 22 Ebrill 2026

Gwyliau bwyd, cerddoriaeth fyw, hwyl i’r teulu a thrafnidiaeth glasurol

Mae Haf 2026 yn llawn digwyddiadau cyffrous ar draws Gogledd‑Ddwyrain Cymru, gyda rhywbeth at ddant pawb — o gyngherddau cerddoriaeth enwog a gwyliau bwyd bywiog i ddiwrnodau hwyl teuluol, rheilffyrdd treftadaeth a dathliadau cymunedol. P’un a ydych yn cynllunio taith undydd neu wyliau hirach, mae digon o resymau i ymweld yr haf hwn.

Dyma ganllaw i rai o uchafbwyntiau’r tymor.

Gŵledd Fwyd a Ffair Grefftau Rhuddlan

Dydd Sadwrn 16 Mai | 10.00yb – 5.00yp
📍 Stryd y Senedd, Maes Parcio Stryd y Senedd a Chanolfan Gymunedol Rhuddlan

Gŵyl gyfeillgar sy’n dathlu bwyd, diod, cynhyrchwyr lleol a chrefftau, gyda stondinau amrywiol ac adloniant addas i’r teulu. Diwrnod hamddenol i bori, blasu a mwynhau gweithgareddau i blant.

Gŵyl Rheilffordd Ardd Llangollen a Ffair Llangollen

Dydd Sadwrn 6 Mehefin | 10.00yb – 4.30yp
📍 Pafiliwn Llangollen a’r tir o’i amgylch

Un o ddigwyddiadau rheilffordd gardd mwyaf newydd y DU, mae’r ŵyl hon sy’n tyfu’n gyflym yn dod â gosodiadau ar raddfa fawr, masnachwyr ac arbenigwyr at ei gilydd o bob cwr o’r wlad. Cynhelir hi ym Mhafiliwn Rhyngwladol Llangollen ac mae’n ddiwrnod gwych i deuluoedd a selogion, tra’n codi arian at elusennau.

Eisteddfod Gerddorol Ryngwladol Llangollen a

Yn fyw ym Mhafiliwn Llangollen

📍 Pafiliwn Llangollen a’r tir o’i amgylch

Mae Llangollen yn croesawu rhaglen gerddorol a diwylliannol o safon fyd‑eang yr haf hwn, gan gyfuno cyngherddau mawr gyda’r Eisteddfod Gerddorol Ryngwladol enwog.

Live at Llangollen Pavilion – perfformiadau pennaf:

  • 24 Mehefin – Rick Astley
  • 25 Mehefin – Pete Tong
  • 26 Mehefin – David Gray
  • 27 Mehefin – Billy Ocean
  • 28 Mehefin – Alex James
  • 2 Gorffennaf – Super Furry Animals
  • 3 Gorffennaf – Bowling for Soup
  • 4 Gorffennaf – Deacon Blue
  • 5 Gorffennaf – Tom Grennan

Cystadlaethau dyddiol yr Eisteddfod: 8–12 Gorffennaf
Cyngherddau gyda’r nos: 7–12 Gorffennaf, gyda pherfformwyr gan gynnwys Emeli Sandé, Michael Ball a Karl Jenkins.

Gŵyl Rhuthun

Dydd Sadwrn 4 Gorffennaf 2026 | 12.00yp – 11.30yh
📍 Sgwâr Sant Pedr

Dathliad bywiog o gerddoriaeth a diwylliant yng nghanol hanesyddol Rhuthun. Mwynhewch berfformiadau byw ar y sgwâr drwy’r dydd, gyda cherddoriaeth gyda’r nos mewn tafarndai a lleoliadau lletygarwch lleol ar draws y dref.

Penwythnos Trafnidiaeth Glasurol Rheilffordd Llangollen a Chorwen

Dydd Sadwrn 4 – Dydd Sul 5 Gorffennaf
📍 Rheilffordd Llangollen – Corwen

Digwyddiad poblogaidd sy’n arddangos trafnidiaeth glasurol gan gynnwys ceir, beiciau modur, bysiau, tractorau a threnau. Bydd Gorsaf Glyndyfrdwy’n ganolbwynt y digwyddiad, gyda gwasanaeth dwys o drenau stêm, diesel a threftadaeth ar hyd y lein.

Carnifal Prestatyn a Ffair Flynyddol

Dydd Gwener 17 – Dydd Mawrth 21 Gorffennaf 2026
📍 Maes Bastion Road
Diwrnod y Carnifal: Dydd Sadwrn 18 Gorffennaf

Traddodiad lliwgar yr haf sy’n denu tua 3,000 o ymwelwyr bob blwyddyn. Mae’r carnifal yn cynnwys sawl arena, cystadlaethau ac amrywiaeth o atyniadau modern a thraddodiadol dros bum diwrnod.

Gŵyl Camp VC, ger Llangollen

Dydd Gwener 24 – Dydd Sul 26 Gorffennaf 2026
📍 One Giant Leap

Gŵyl antur i fenywod yn unig, gyda gweithgareddau fel beicio mynydd, treialon moduro, sglefrio, ioga, chwilota a gweithdai creadigol. Gyda’r nos ceir adloniant hamddenol gan gynnwys cerddoriaeth acwstig, DJs a bingo disgo.

Gŵyl Gwirfoddolwyr Rhuddlan a Phicnic yn y Parc

Dydd Sadwrn 1 Awst 2026 | O 11.00yb
📍 Admiral’s Field, Rhuddlan

Digwyddiad cymunedol sy’n dathlu gwirfoddolwyr lleol a’r sefydliadau sy’n cefnogi’r ardal. Dewch â phicnic, mwynhewch yr awyr agored a dysgwch sut i gymryd rhan mewn cyfleoedd gwirfoddoli lleol.

Penwythnos y 1960au Rheilffordd Llangollen a Chorwen

Dydd Sadwrn 1 – Dydd Sul 2 Awst
📍 Rheilffordd Llangollen – Corwen

Teithiau, gorsafoedd a digwyddiadau wedi’u trawsnewid i adlewyrchu awyrgylch y 1960au, gyda gwisgoedd cyfnod, cerddoriaeth fyw, ail‑berfformiadau, cerbydau vintage a phrofiadau thema ar y trên ac yn y gorsafoedd.

Diwrnod Hwyl i’r Teulu, Parc Cymunedol Ffrith, Prestatyn

Dydd Sadwrn 1 Awst 2026 | 11.00yb – 3.00yp

Diwrnod cymunedol hamddenol i bob oed, gyda sioe ymlusgiaid a phryfed, cerddoriaeth fyw, stondinau elusennol ac amgylcheddol, gweithgareddau i blant a sioe gŵn hwyliog.

Gŵyl Chwedlonol y Tylwyth Teg, Llangollen

Dydd Sadwrn 8 – Dydd Sul 9 Awst
📍 Pafiliwn Llangollen a’r tir o’i amgylch

Gan ddathlu ei phen-blwydd yn 15 oed, mae’r ŵyl boblogaidd hon yn cynnig penwythnos hudolus o gerddoriaeth fyw, gweithgareddau plant (llawer ohonynt am ddim) a chrefftwaith llaw trawiadol gan wneuthurwyr talentog.

Sioe Ceir Clasurol Prestatyn

Dydd Llun 31 Awst 2026 | 10.00yb – 4.30yp
📍 Canol tref Prestatyn

Digwyddiad rhad ac am ddim poblogaidd dros Wyliau Banc mis Awst, gyda strydoedd y dref yn llawn cerbydau clasurol a vintage, ynghyd â stondinau lleol, masnachwyr, bwyd a diod.

Edrych Ymlaen at Hydref 2026

  • Gŵyl Fringe Llangollen – 4–12 Medi
  • Cogwarts Steampunk Spectacular – 18–20 Medi
  • Gŵyl Fwyd Llangollen – 10–11 Hydref

#events#famiyacrivities#summerevents